Allar uppskriftirnar eru fyrir 4 persónur
|
|
Forréttur
|
|
| Forréttur/smáréttur Soya-steikt bleikja með hvítkálssalati 400 gr bleikja 1 dl soya (kikkoman) 150 gr hvítkál (skorið í fína strimla) 2 st vorlaukur (skorinn í sneiðar) ½ msk ferskur koriander (fint saxaður) 1 st hvítlauksgeiri (fínt saxaður) Safi úr ½ lime 200 gr sýrður rjómi Salt og pipar Hrærið saman sýrðum rjóma og lime safa, bætið út í hvítkáli, lauk og koriander og kryddið með salti og pipar eftir smekk.Skerið bleikjuna í ca 50 gr bita og steikið á roðhliðinni í 3-4 mín, bætið þá soya á pönnuna og látið krauma í ½ mín. Snúið þá fiskinum við og takið pönnuna af hitanum og berið fram með hvítkálssalatinu. |
|
Forréttur/aðalréttur Volgt bleikju salat 400/800 gr bleikju flök Blönduð salatlauf Kalamata ólífur í olíu úr krukku Grillaðir ætiþistlar í olíu úr krukku Sherry tómatar Ristaðar furuhnetur Rifinn ferskur parmesan Sítrónu olía Maldon salt Pipar úr kvörn Setjið bleikjuna í eldfast mót, penslið með sítrónuolíu og bakið í 160°c heitum ofni í 5-7 mín. Skafið bleikjuna af roðinu með skeið. Blandið saman salati, ólífum, ætiþistlum, furuhnetum og parmesanosti. Setjið salatið á disk ásamt bleikjunni og notið sítrónu olíu sem dressingu og kryddið með maldon salti og pipar úr kvörn. |
|
| Aðalréttur Grilluð bleikja með barbecue og tómat-kartöflusalati 800 gr bleikja Barbecue sósa (t.d hunts-hickory&brown sugar) 400 gr litlar kartöflur 200 gr sherry tómatar (skornir í báta) 1 st papríka (skorin í fina bita) 1 st rauðlaukur (fint saxaður) ½ haus fennel (skorinn í fínar sneiðar) 4-5 st hvítlaukslauf (fínt söxuð) 1 búnt basilika (skorin í fína strimla) 1 dl sítrónuolía Safi úr einni sítrónu Salt og pipar Hitið grillið, grillið kartöflunar á efri grind í ca 30 mín eða þar til þær eru full eldaðar.Skerið þá kartöflurnar í báta og blandið saman við grænmetið, laukinn, basilikuna og sítrónuolíuna, kreistið sítrónusafann yfir og kryddið með salti og pipar. Grillið bleikjuna á kjöthliðinni í 3-4 mín, snúið henni þá við og penslið hana með bbq og grillið í 1 mín á roðinnu, snúið þá fisknum aftur á kjöthliðina í ½ mín og þá ætti hann að vera tilbúinn. ( ath eldunartíminn fer að sjálfsögðu eftir stærð fiskstykkjanna ). |
|
Aðalréttur Ofnbökuð bleikja í kryddhjúp með blómkálsmauki og salati Blómkálsmauk 400 gr blómkál 3 dl rjómi 1 dl hvítvín Salt og pipar Skerið blómkálið í litla bita og sjóðið í rjóma og hvítvíni í 20 mín, setjið í matvinnsluvél og maukið vel. Kryddið með salti og pipar. Kryddolía 1 búnt steinselja 1 búnt basilika ½ búnt koriander 2-3 hvítlaukslauf 2,5 dl ólífuolía ½ msk sítrónusafi Setjið allt í matvinnsluvél og maukið vel Bleikja 800 gr bleikjuflök brauðrasp kryddolía maldon salt grófmalaður pipar Skerið bleikjuna í ca 100 gr bita og setjið í ofnskúffu. Penslið fiskinn með kryddolíunni, geymið afganginn af kryddolíunni og notið sem dressingu með fiskinum, stráið brauðraspi yfir, kryddið með salti og pipar. Setjið fiskinn í 160°c heitann ofninn og bakið í 6-8 mín. Berið fram með volgu blómkálsmauki, ykkar salati og kryddolíu. |
|
|
|
